ज्ञान रिचार्जर

काल रविवार असल्याकारणाने मी जरा निवांत दुकानामध्ये  होतो. तेव्हा संजय गोविलकर मला भेटायला आले. संजयजी आल्यानंतर आमच्या कोणत्या ना कोणत्या विषयावर चर्चा होतच असतात. काल ‘चांदी’ या विषयी गप्पा मारत असतांना मला मागील वर्षी त्यांनी चांदीची उरळी खरेदी करत असतांनाचा प्रसंग आठवला. त्यांनी काही गिफ्ट आलेल्या चांदीच्या मूर्ती आणि चांदीची नाणी व वरचे पैसे देवून उरळी खरेदी करत होते.मी नेहमीप्रमाणे चांदीच्या मूर्ती तपासून बघितल्या असता त्यामध्ये लोखंडाचे रॉड निघाले आणि coin गरम करून बघितले असता त्यातील काही coin हे तांब्याचे निघाले. माझ्यासाठी हा एक नित्याचाच प्रकार होता पण संजयजींसाठी तो एक नवीन अविश्वसनीय आणि धक्कादायक प्रकार होता. त्या नंतर त्यांना मी सांगितले कि मुंबईमध्ये आता पर्यंत मी ज्या काही जुन्या चांदीच्या मुर्त्या बदलण्यासाठी आले त्या सर्वांमध्ये लोखंडाचे किंवा तांब्याचे रॉड निघाले आहेत.

घरातील देव देवतांच्या मुर्त्या म्हटले कि भावनेचा प्रश्न. मला ही ती मूर्ती कट करतांना वाईट वाटते पण व्यवसाय म्हटले कि ते करावेच लागते. फक्त वाईट एव्हढेच वाटते कि काही लोक हे आपल्या भावनेशी खेळतात. तसंही बघितलं तर देव हा सर्वांच्या मनामध्ये असतो पण तरीही आपण त्याची मूर्तीच्या स्वरूपामध्ये पूजा करत असतो. कारण त्यामुळे आपणास positive एनर्जी मिळत असते.

म्हणून चांदीची मूर्ती घेतांना त्या दुकानाची बाजारातील विश्वासहर्ता सर्वात महत्वाची.

चांदीच्या दागिन्यांची शुद्धता ९२% आणि ९६% असते. प्रत्येक दुकानामध्ये  सोने-चांदीची शुद्धता तपासण्यासाठी “कॅरोटोमीटरची”  सोय असते त्याचाही वापर आपण करू शकतो.

धन्यवाद!

संतोष गोडसे

PNG JEWELLER’S

शाखा व्यवस्थापक, प्रभादेवी, मुंबई.