पहिली उड्डाण

आज मला एका मित्राचा फोन आला. म्हणाला उद्या आई बाबा पहिल्यांदा विमानाने बाहेरगावी जाणार आहेत. तू ज्या एयरलाइन मधे आहेस, त्याच एयरलाइनच बुकिंग आहे. ते उत्साहित आहेत पण पहिलाच विमान प्रवास असल्यामुळे थोड़े नर्वस आहेत. विमानपर्यंत जाताना तू जर त्यांच्यासोबत असलास तर थोड़े रिलैक्स होतील आणि आम्हालाही चिंता लागून राहणार नाही.

ठरल्या प्रमाणे त्याना विमानतळावर भेटलो. त्यांची विचारपूस केली आणि त्यांना घेऊन गेट न. ७ ने आत शिरलो. त्यांच्या चेहऱ्यावर नर्वसपणा पाहून मी म्हटलं की इंग्लिश ही आंतरराष्ट्रीय भाषा असली तरी विमानतळावर हिंदी भाषेतले सुद्धा साईन बोर्ड लावले आहेत. जेणेकरून प्रवाशांचा गोंधळ होत नाही. चालता चालता प्रत्येक टप्प्याची माहिती देत होतो आणि पहिल्या टप्प्यावर आलो.

Check-in counter –

या ठिकाणी प्रवाशांचे तिकीट, ओळखपत्र, ( आंतरराष्ट्रीय प्रवास असल्यास ,पासपोर्ट आणि व्हिसा ) तपासून बोर्डिंग कार्ड व बैगेज टॅग दिला जातो. त्यावर प्रवाशांचे नाव, फ्लाइट नंबर, तारीख, सीट नंबर, बोर्डिंग गेट नंबर, आणि वेळ दिलेला असतो. आपल्या सामनाला बैगेज टॅग लावला जातो. त्यावर प्रवाशांचे नाव, फ्लाइट नंबर, तारीख व यूनिक बैगेज टॅग नंबर दिलेला असतो. त्याची एक प्रत बोर्डिंग कार्ड सोबत प्रवाशांना दिली जाते.

Immigration counter –

येथे प्रवाशांचे वीसा व पासपोर्ट तपासून पासपोर्ट वर immigration शिक्क्का दिला जातो. दुसऱ्या देशात जाण्यासाठी ही एक प्रकारची शासनाकडून अनुमति असते.

( आंतरराष्ट्रीय प्रावसासाठी Immigration आवश्यक असते.)

Security check –

या ठिकाणी सुरक्षा रक्षकांकडून (CISF) प्रवाशांची व हैंड बॅग ची तपासणी केली जाते. तपासणी झाल्यावर बोर्डिंग कार्ड वर सिक्योरिटी चेक चा शिक्का दिला जातो.

(विमानप्रवासात हैंड बॅग मधून कोणत्या वस्तू घेऊन जाण्यास निषिद्ध असतात त्याची माहिती एयरलाइन च्या संकेतस्थळावरुन जाणून घेणे आवश्यक असते.कोणतीही liquid समान नेता येत नाही)

Boarding Gate –

हा शेवटचा टप्पा. एयरलाइन अधिकाऱ्यांनी  बोर्डिंग कार्ड तपासले आणि काका काकू आपल्या पहिल्या वहिल्या विमान प्रवासाचा अनुभव घेण्यासाठी विमनाच्या दिशेने मार्गस्थ झाले.

विमानप्रवासाबद्दल माहिती मिळावी यासाठी केलेला हा छोटासा प्रयत्न.

धन्यवाद

नितीन म्हाडगुत